Bradaíl Móideim a úsáideann ríomhchláir diaileora
Réamhfhocal:
Teastaíonn uainn a chur in iúl d’úsáideoirí teileafón go bhfuil an baol ann go bhféadfaí socraithe idirlín (an móideim diailithe) a athrú gan cead nó gan fios b’fhéidir. Dá dtarlódh a leithéid d’fhéadfaí táillí teileafóin a charnadh suas ar ráta go dtí €5 an nóiméad. Ní bhíonn an gnáth-ráta ach idir 1c agus 5c an nóiméad.
Sa treoir seo déanann muid:
· saincheisteanna a bhaineann le ríomhchláir diaileora a mhíniú; agus
· a chur in iúl duit cad iad na céimeanna ba cheart a thógáil chun na ríomhchlár bradacha seo a sheachaint.
Maidir le ComReg
Tá muid freagrach as rialáil earnálacha na cumarsáide leictreonaí (teileachumarsáid, cumarsáid raidió, chraolachán) agus na hearnálacha poist.
Cad a thuigtear le ríomhchláir diaileora?
Baineann roinnt láithreán gréasáin úsáid as ríomhchláir diaileora
chun íocaíochtaí a bhailiú, mar mhalairt ar chartaí creidmheasa.
Is bealach é seo chun muirear a ghearradh tríd an ghnáth-bhille
teileafóin – cosúil le seirbhísí eile ar an ráta préimhe.
Má théann tú isteach ar láithreáin gréasáin a ofrálann
seirbhís mar seo, iarrfar ort bog-earra ar dtugtar ‘an diaileoir idirlín’
a íoslódáil. Athróidh an bog-earra seo socruithe an mhóideim
a cheanglaíonn an ríomhaire agus an líne teileafóin, agus
bíonn na costais ceangail ar seo níos daoire de ghnáth.
Is gnáth go mbíonn na ríomhchláir diaileora á n-úsáid ag
freastalaithe gréasáin taobh amuigh d’Éirinn agus bíonn
na costais an-ard chun glaoch ar an dtír ina bhfuil siad.
Cad í an fhadhb mar sin?
Bíonn an fhadhb ann mura mbíonn a fhios ag úsáideoirí go
mbíonn ríomhchlár diaileora íoslódáilte acu nó mura mbíonn a
fhios acu cad a dhéanann an ríomhchlár sin.
B’fhéidir nach n-inseodh na láithreáin bradacha seo duit go
bhfuil bog-earraí á suiteáil ar an ríomhaire agat nó go bhfuil
athrú buan á dhéanamh ar shocruithe diailithe an mhóideim.
Fiú amháin d’fhéadfaidís gnáth-fhuaimeanna diailithe an
mhóideim a mhúchadh chun dícheangail an mhóideim
ón ngnáth-sholáthraí seirbhíse (ISP) a cheilt agus go raibh
uimhir dhifriúil ar fad á dhiailiú.
Dáiríre tá na soláthraithe seo ag ardú na socraithe leo
as do mhóideim – ag gabháil seilbh orthu agus á sóinseáil chun
a gcríocha féin. Tabharfaidh tú an bhradaíl faoi deara b’fhéidir, nó
an iarracht chun bradaíola, nuair atá tú ag dul isteach ar an idirlíon, ach
is minic nach mbíonn a fhios ag úsáideoirí faoi mhéid na díobhála
go dtí go bhfaigheann siad bille teileafóin le hard-chostas glaonna
chuig uimhreacha idirnáisiúnta nó uimhreacha ar rátaí préimhe.
Sainchomharthaí bradaíola móideim.
· Airíonn tú an móideim ag dícheangal agus ag diailiú arís.
· Tagann moille thar ghnáth ar luas an idirlín. B’fhéidir go mbeadh cúiseanna eile le sin, ach le linn seiceála duit, breathnaigh ar dtúis ar do chuid socruithe diailithe agus ar na hairíonna a bhaineann leo.
· Faigheann tú bille teileafóin an-ard gan coinne le huimhreacha teileafóin idirnáisiúnta an-aithnide ard-chostasacha.
· Feiceann tú íocón aicearra an-aithnid ar dheasc an ríomhaire.
· Ní féidir leat ríomhphoist a sheoladh in ainneoin a bheith ar líne.
An rud is féidir leat a dhéanamh chun an bhradaíl mhóideim a chosc.
• Seiceáil na socruithe idirlín go rialta
féachaint an bhfuil an uimhir cheart á dhiailiú ag an ríomhaire
chun cheangail leis an idirlín. Thosódh an uimhir teileafóin
ag formhór na soláthraithe idirlín in Éirinn le 189X, mar
shampla 1890 nó 1891.
• Bí cúramach ag cliceáil na ‘bpop-fhuinneoga’ (fuinneoga a
thaibhsíonn gan coinne). Má tá amhras ar bith ort fúthu
cliceáil ‘No’ i gcónaí nó brúigh an eochair éalaithe (‘Esc’)
chun an fhuinneog a dhúnadh.
• Bí chomh cúramach céanna má déantar tú a atreorú
chuig leathanach gréasáin gan coinne.
• Cur suas airde an mhóideim le chloisteáil an
bhfuil sé scoite nó ag iarraidh diailiú ath-uair.
• Má fheiceann tú faoi deara naisc nó íocóin ar do dheasc nach
n-aithníonn tú, scrúdaigh agus scrios iad murar ríomhchláir
bailí iad. Beidh ort na ríomhchláir taobh thiar dóibh a scor freisin.
Ní leor an t-íocón amháin a chealú.
• Múch an ríomhaire agus an móideim nuair nach bhfuil
siad á n-úsáid.
• Cuir pasfhocal mar chosaint ar do ríomhaire
agus ar an idirlíon.
• Cuir cosc i gcoinne uimhreacha ráta préimhe
agus uimhreacha idirnáisiúnta ach fiosraigh é seo leis an
soláthraí telecom ar eagla go gcuirfeadh seo isteach ar
ghlaonna gutha.
• Déan bog-earraí cosantacha a shuiteáil agus
déan iad a athnuachan go rialta. Ba chóir go mbeadh an
ISP ábalta comhairle a thabhairt duit faoin gceist seo.
• Cuardaigh leathanaigh cabhracha an ISP nó an tacaíocht
theicniúil atá acu le haghaidh eolais nó cabhrach chun
an fhadhb seo a réiteach.
Cad ba cheart dom a dhéanamh má éiríonn le ríomhchlár diaileora mo mhóideim a shóinseáil?
Nuair a bhfaigheann tú an bille teileafóin is cóir na
táillí cearta dar leat a íoc (an méid a aontaíonn tú)
agus mínigh don soláthraí seirbhíse an méid den bhille
a bhaineann leis an ríomhchlár diaileora i do thuairim.
Cad tá déanta ag ComReg go dtí seo?
D’fhoilsíomar an chéad treoir d’úsáideoirí faoi
bhradaíl móideim i Mí an Aibreáin, 2004.
Tar éis dúinn an cheist a phlé le cuideachtaí
teileafóin, le soláthraithe idirlín agus tar éis
agallaimh leis an bpobal, threoraíomar dóibh
bearta áirithe a chur i gcrích.
• Ní foláir do sholáthraithe idirlín crua-earraí
agus/nó bog-earraí ar bheagán costais a
mholadh d’úsáideoirí
• Ní foláir do chuideachtaí teileafóin an diailiú
díreach trí chóid tíortha áirithe a chosc, ach gur féidir
leo an cosc a scaoileadh ó uimhreacha áirithe
má tá siad sásta nach bhfuil baol sna
huimhreacha sin.
• Níl cead ag cuideachtaí teileafóin táillí a ghearradh
ar ghlaonna ar dhiailiú díreach trí chóid na dtíortha
ar an liosta murar uimhreacha atá scaoilte ó chosc iad.
• Is socruithe sealadacha iad seo agus athróidh an cóid
lena mbaineann siad ó am go chéile. Ní bhaineann
an chosaint uathu ach le tíortha faoi leith.
Conas is féidir liom teagmháil le ComReg?
Ar an dteileafón (LóGhlaoch: 1890 229 668 (9.00rn go dtí 5.30in Luan go hAoine
Trí facs: (01) 804 9671
Trí Ríomhphost: consumerline@comreg.ie
Trí láithreáin gréasáin: www.comreg.ie / www.askcomreg.ie / www.callcosts.ie
Tríd an bpost:
Foireann Tomhaltóirí ChomReg
Lárionad Irish Life
Bloc DEF
Sráid na Mainistreach Íochtarach
Baile Átha Cliath 1
Séanadh dlíthiúil
D’ullmhaíomar an doiciméad seo ó fhoinsí éagsúla. Cé go ndearnamar cúram réasúnta lena ullmhú, níl muid sásta glacadh le freagracht ar bith as aon chaillteanas nó damáiste a fhulaingeodh duine ar bith as an eolas seo a úsáid.
Bealtaine 2007
