Treoir um Nascadh leis an Idirlíon
Is iomaí teaghlach Éireannach, gnólacht, eagras agus foras oideachas
a bhfuil an tIdirlíon mar pháirt anois de. Tá rogha mór ann inniu
faoin mbealach is féidir nascadh a dhéanamh leis an Idirlíon.
Sa treoir seo cuirfidh muid síos ar:
• na roghanna atá ann chun nascadh leis an Idirlíon;
• na difríochtaí idir na cineálacha teicneolaíochta atá ar fáil duit;
• conas srian a choimeád ar chostais dhiailithe an idirlín; agus
• na nithe dar chóir a mheas nuair a bhíonn soláthraí á roghnú agat.
Cad é an bealach is fearr chun nascadh leis an Idirlíon?
Tá seo ag brath ar an úsáid atá tú chun baint as an Idirlíon.
• Más mear-rochtain atá uait, b’fhéidir go mbeidh fonn ort
uasghrádú a dhéanamh le do sholáthraí seirbhíse go dtí rochtain
ard-luais. Le mear-rochtain is féidir leat cóir idirlín níos
sofaisticiúla a úsáid, cur i gcás scannáin a íoslódáil agus
comhaid cosúil le fótagraif a aistriú go tapa.
Baineann lucht gnó beaga tairbhe as an mear-rochtain trí na
costais ar líne a laghdú agus trí éifeacht níos fearr a bhaint
as am agus acmhainní.
• Má tá tú sásta le luas na córach diailithe Idirlín
atá agat b’fhéidir go dteastódh freisin uait smacht níos fearr a
choimeád ar an gcostas míosúil. Is féidir leat roghnú a
dhéanamh as raon rátaí, lena n-áirítear ‘ráta cothrom’, ón
Soláthrái Seirbhíse Idirlín (SSI).
Cé atá le teagmháil?
Ní mór duit teagmháil a dhéanamh le gnólacht telecom agus
b’fhéidir freisin le Soláthraí Seirbhíse Idirlín (SSI). Is minic gurb
ionann an dá dhream. Cuirfidh an gnólacht telecom nó an SSI
an teicneolaíocht ar fáil duit chun ceangail leis an Idirlíon nó
chun an cónasc atá agat cheana a fheabhsú. Is fiú comhlachtaí
difriúla a thriail le comparáid a dhéanamh idir tairiscintí difriúla.
Braithfidh an cineál naisc a roghnóidh tú ar phointí difriúla,
ina measc:
• cad atá ar fáil i do cheantar;
• an airde luais atá uait;
• an méid airgid a theastaíonn uait a chaitheamh; agus
•.má tá tú sásta conradh a shíniú go ceann tréimhse áirithe ama.
Cad iad na teicneolaíochtaí a thugann rochtain níos
tapúla ar an Idirlíon?
Tá líne seasta teileafóin ag teacht isteach ina n-áitribh ag
formhór na dteaghlach agus na ngnóthaí beaga. Má úsáideann
tú líne seasta chun an idirlín a dhiailiú beidh tú ábalta é a rochtain
ar airde luais go dtí 56 cilighiotán sa soicind (KBps). Tá bealaí
níos tapúla fós chun nascadh leis an Idirlíon agus is éard a thugtar
orthu sin go minic ná teicneolaíochtaí ‘ard-luais’ nó ‘leathanbhanda’.
I measc na mear-theicneolaíochtaí seo tá an líne dhigiteach
rannpháirtí (LDR), an móideim cábla agus an rochtain shatailíte
nó rochtain sheasta gan sreang.
Cén tairbhe atá ag baint as rochtain níos tapúla
a fháil ar an Idirlíon?
Le rochtain níos tapúla is féidir leat sonraí a íoslódáil (a shábháil)
agus a uaslódáil (a sheoladh) an-mhear ar fad. Freisin is féidir
leat comhaid níos toirtiúla a sheoladh agus a ghlacadh. Tá seo
ag éirí an-tábhachtach do mhion-ghnóthaí go mbíonn
orthu comhaid le dearaí, catalóga nó íomhánna a chraobhscaoileadh.
Teicneolaíocht ‘ar siúl gan stad’.
Bíonn roinnt mhaith de na teicneolaíochtaí ard-luais rochtana idirlín
‘ar siúl gan stad’. Sa bhealach seo tá síor-cheangal agat le do Sholáthraí
Seirbhíse Idirlín ar phraghas aontaithe caighdeánach. Ní ghá duit diailiú
gach uair chun ríomhphost a ghlacadh. Is áis an-úsáideach í seo don ghnó beag
mar sábhálann sé mór-chuid ama.
Teicneolaíocht An Luas Tipiciúil ‘Ar Siúl gan Stad’
is airde (KBps)1
Gnáth-líne seasta 56 KBps ✗
LDSC bunaigh (cónaitheach) 128 KBps ✗
LDR 256 KBps – 1MB ✓
Cábla 150 – 600 KBps ✓
Satailít 128 KBps – 2 MB ✓
Rochtain Sheasta gan sreang 128 KBps – 2 MB ✓
1Braithfidh na luais a bhéas ar fáil ar an gcumrú atá ar do ríomhaire, an cineáil móideim a úsáidtear agus ar chumas an líonra.
Glaonna teileafóin a dhéanamh agus a ghlacadh
Cosúil le han-chuid custaiméirí sa bhaile, in oifigí baile agus in oifigí beaga, is é is dóichí nach
bhfuil agat ach líne amháin teileafóin i do áit cónaithe nó i d’ionad gnó. Dá dheasca sin is féidir go mbeadh an líne teileafóin in áirithe le linn duit a bheith ar an idirlíon. Mar sin féin, tá bealach fós ann le glaonna teileafóin a dhéanamh nó a ghlacadh, fiú amháin má tá tú féin nó duine eile ar líne, má roghnaíonn tú na bealaí mear-rochtana idirlín, mar a bheadh LSDC agus LDR.
Ach i gcás teicneolaíochtaí leathanbhanda eile, cosúil le cábla, satailít agus an rochtain sheasta gan sreang ní bhíonn glaonna gutha de shíor á dtairiscint ar an gceangal céanna leis an nasc idirlín. Bí ar an aire mar sin go mb’fhéidir go mbeadh ort an líne teileafóin a choimeád má theastaíonn uait glaonna a dhéanamh agus a ghlacadh.
Smacht a choimeád ar chostais an dhiailithe chun idirlín a rochtain.
Cad iad na praghsanna difriúla atá á dtairiscint?
I Mí Mheán Fhómhair 2006, rinneamar leathnú ar an láithreán
gréasáin www.callcosts.ie. Chuireamar áireamháin isteach
ann i gcomhair línte seasta agus i gcomhair leathanbhanda.
Má chuireann tú an do phátrún úsáide idirlín agus
do sheoladh isteach san áis seo is féidir leat teacht ar an
bpacáiste idirlín agus an praghas is fearr atá ar fáil i do
cheantar féin. Logáil isteach ar www.callcosts.ie chun tuilleadh
eolais a fháil mar gheall ar seo.
Cad iad na roghanna praghsála atá ar fáil?
De réir nóis go dtí seo, chun críche an idirlín,
bhain formhór na nÉireannach úsáid as taraifí méadraithe
nó as an gcóras ‘íoc mar a chaitheann tú’. Ní bhíonn
aon mhuirear míosúil ag cuid de na taraifí méadraithe agus
íocann tú an glao áitiúil gach uair a nascann tú leis an idirlíon.
Tá cuid eile, bunaithe ar shíntiús, lena n-íocann
tú táille mhíosúil agus glao-chostais laghdaithe le linn duit
a bheith nasctha leis an idirlíon. .
Má thoghann tú seirbhís ar ráta cothrom fanann an costas
mar an gcéanna is cuma cé chomh minic a dhiailíonn
tú, ar choinníoll go bhfanann tú laistigh d’iomlán na n-uaireanta
atá sa phacáiste. Tá cineálacha éagsúla roghanna
ráta cothrom le ‘síntiús’ ann (ar a dtugtar go minic roghanna
neamh-mhéadraithe) de réir mar a léirítear sna samplaí
seo a leanas:
• ‘Ráta cothrom páirteach’ –
tá costais na nglaonna ag amanna socraithe agus/nó uimhir
uaireanta socraithe áirithe sa mhuirear agat. Mar shampla
is féidir glaonna ar uaireanta beag-éilimh a bheith gan aon
chostas breise agus fós d’fhéadfadh naisc idirlín ar uaireanta
mór-éilimh a bheith ar chostas cent amháin an nóiméad.
• ‘Ráta cothrom iomlán’ – íocann tú méid
socraithe gach mí a áiríonn an t-am go léir a chaitheann
tú ar nasc leis an idirlíon. Ba cheart duit a bheith ar aire
go mb’fhéidir go mbeadh polasaí i bhfeidhm maidir le
‘úsáid cóir agus cothrom’ nó ‘úsáid inghlactha’, a chuireann
teorainn le líon na n-uaireanta a úsáideann tú. Réiteoidh
an rogha seo le haon duine sa bhaile nó le lucht gnó a
mheasann an-chuid ama a chaitheamh ar líne, ag am
an mhór-éilimh go speisialta.
Nithe le meas agat agus an soláthraí á roghnú.
Tá na líonraí agus na Soláthraithe de Sheirbhís Idirlín ag
dul i líonmhaire. B’fhéidir go mbeidh cabhair le fáil agat
ónár láithreán gréasáin www.callcosts.ie le roghnú a dhéanamh
eatarthu go léir. Más maith leat an nasc idirlín atá agat a
fheabhsú nó má tá tú ag nascadh don chéad uair leis an idirlíon,
machnaigh ar na pointí seo a leanas:
• Bíodh tuairim agat faoi cé méid uaireanta atá romhat a bheith
ar líne gach mí agus cibé acu le linn beag-éilimh nó mór-éilimh
é sin.
• An mbeadh taca teicniúil de dhíth uait mórán?
• Cén chaoi a bheidh tú ag úsáid an idirlín – díreach i gcomhair
ríomhphoist nó chun comhad móra a aistriú?
• Cén bunábhar agus seirbhísí a theastaíonn uait a
rochtain agus a aistriú?
• Bhfuil tú sásta le diailiú gach uair chun ríomhphoist a ghlacadh?
• An dteastaíonn uait glaonna teileafóin a dhéanamh
agus a ghlacadh le linn duit a bheith ar líne?
Bí cinnte go ndéanfaidh tú na nithe seo a leanas a sheiceáil
le do chomhlacht telecom nó leis an Soláthraí Seirbhíse Idirlín:
• Cén trealamh breise is gá a úsáid i gcomhair
na seirbhíse (ar an dtuiscint go bhfuil ríomhaire agus móideim
cóirithe don Idirlíon agat cheana féin)?
• Más gá duit conradh a shíniú do thréimhse shocraithe
(mar shampla bliain), cad iad na téarmaí agus na coinníollacha
atá ag gabháil leis, agus aon pholasaí faoi ‘úsáid chóir agus
chothrom’ a chur san áireamh’?
• Cad iad na costais míosúla (ag áireamh costais
an líonra agus costais an tSoláthraí Seirbhíse Idirlín?
• Cad iad na roghanna atá ann chun billí a íoc?
• An bhfuil teorainneacha le híoslódáil i dtairiscint na
seirbhíse agus, má tá, cad iad na costais má theitear
os cionn na dteorainneacha sin?
